Цифрлық діни конверсия: виртуалды діндарлықтың философиялық-этикалық сын-қатерлері жағдайындағы когнитивтік және мінез-құлықтық механизмдер

Аңдатпа

Мақала қазіргі платформалық медиакеңістік жағдайындағы цифрлық діни конверсия феноменін талдауға арналған. Зерттеуде цифрлық ортада діни бірегейліктің қалыптасуына ықпал ететін когнитивтік және мінез-құлықтық механизмдер қарастырылады. Виртуалды діндарлықтың философиялық-этикалық сын-қатерлеріне, атап айтқанда алгоритмдік ықпалға, діни тәжірибенің медиатизациялануына және діни әлеуметтенудің дәстүрлі формаларының трансформациясына ерекше назар аударылады. Мақалада цифрлық дін, медиакоммуникация және діни конверсия салаларындағы қазіргі шетелдік зерттеушілердің еңбектеріне негізделген теориялық тұжырымдар ұсынылған. Пәнаралық тәсіл негізінде цифрлық діни конверсияның желілік коммуникациялар, цифрлық платформалар және пайдаланушылардың медиамінез-құлқы ықпалымен қалыптасатын динамикалық үдеріс екендігі көрсетіледі. Зерттеудің практикалық маңыздылығы оның қорытындыларын Қазақстанның интернет-кеңістігіндегі заманауи діни үдерістерді талдауда, сондай-ақ қоғамды цифрландыру және жасанды интеллекттің дамуы жағдайындағы виртуалды діндарлықтың ерекшеліктері мен тәуекелдерін зерттеуде қолдану мүмкіндігімен айқындалады.